Fundað vegna Navalní-málsins
Charité-sjúkrahúsið í Berlín þar sem Navalní fær nú aðhlynningu.
AFP
Setja bókamerki
Boðað hefur verið til sérstaks fundar hjá Atlantshafsbandalaginu (NATO) í dag vegna máls rússneska stjórnarandstæðingsins Alexeis Navalnís. Hann er sem kunnugt er inniliggjandi á sjúkrahúsi í Berlín eftir að eitrað var fyrir honum í heimalandinu.
Leiðtogar ríkja í Vestur-Evrópu hafa óskað eftir svörum frá rússneskum stjórnvöldum sem hingað til þvertaka fyrir að hafa eitrað fyrir Navalní. Rússum er hótað refsiaðgerðum aðstoði þeir ekki við rannsókn málsins.
Niðurstöður efnaprófana benda til þess að eitrað hafi verið fyrir Navalní með taugaeitrinu novichok. Hann er enn í öndunarvél á gjörgæslu.
Að loknum fundinum í Brussel í dag um hádegið hefur Jens Stoltenberg framkvæmdastjóri NATO boðað til blaðamannafundar.
„Hví erum við dýrasta land í heimi?“
Of margir nemendur og ákall um hæft starfsfólk
Einróma stuðningur við virkjanir
Quang Le: „Rottuskíturinn kom mér á óvart“
Óvenjuleg tilkynning: 19 í gæsluvarðhaldi
Tveir í haldi grunaðir um mansal og smygl á fólki
Búið að fella björninn