Krám og veitingahúsum lokað klukkan tíu

Veitingastöðum og krám verður gert að loka klukkan 10 á …
Veitingastöðum og krám verður gert að loka klukkan 10 á kvöldin frá fimmtudeginum. AFP

Krám, börum og veitingahúsum í Bretlandi verður lokað klukkan tíu á kvöldin frá og með fimmtudeginum. 

Þá verður þessum þjónustuaðilum aðeins heimilað að þjóna til borðs. Reglunum er ætlað að stemma stigu við uppgang kórónuveirufaraldursins í Bretlandi. Reglurnar verða kynntar á blaðamannafundi Boris Johnson forsætisráðherra í kvöld. 

Samkvæmt BBC er líklegt að Johnson muni einnig hvetja Breta til að sinna vinnu sinni heiman frá sér og gæta að einstaklingsbundnum smitvörnum. 

Í gær greindust 4.368 smit kórónuveirunnar í Bretlandi og 11 létust af völdum veirunnar. 

mbl.is