Kim Jong-un, leiðtogi Norður-Kóreu, hefur beðist afsökunar á drápi á suðurkóreskum embættismanni.
Forsetaskrifstofa Suður-Kóreu greinir frá þessu.
Kim er sagður hafa greint Moon Jae-in, starfsbróður sínum í Suður-Kóreu, frá því að atvikið hefði aldrei átt að eiga sér stað og að um hafi verið að ræða „óvænt og skammarlegt“ atvik. Afsökunarbeiðni frá leiðtoga Norður-Kóreu er afar sjaldgæf og því hefur hún því vakið mikla athygli.
Kim Jong Un says in a letter that he "is very sorry" over the North Korean military's killing of a South Korean national and the burning of his corpse https://t.co/8n86TSbevB
— Bloomberg Politics (@bpolitics) September 25, 2020
Embættismaðurinn var skotinn til bana á hafi úti á þriðjudaginn af norðurkóreskum hermönnum og að sögn stjórnvalda í Suður-Kóreu var kveikt í líki hans á meðan það var enn í sjónum. Talið er að þar hafi verið á ferðinni varúðarráðstöfun til að koma í veg fyrir kórónuveirusmit.
Þetta er í fyrsta sinn sem suðurkóreskur ríkisborgari er drepinn af norðurkóreskum hermönnum í áratug og hefur málið vakið upp mikla reiði í Suður-Kóreu.
Maðurinn er sagður hafa ætlað að flýja úr landi. Í bréfi frá norðurkóreskum stjórnvöldum viðurkenna þau að hafa skotið 10 skotum að manninum.
BREAKING: South Korea says North Korean leader Kim Jong Un has apologized over the killing of a South Korea official. https://t.co/eJf9YsGv3p
— The Associated Press (@AP) September 25, 2020