Armenía og Aserbaídsjan hafa samið um vopnahlé í héraðinu Nagorno-Karabakh. Vopnahléið tekur gildi á miðnætti annað kvöld eftir nærri þriggja vikna blóðug átök í héraðinu.
Fram kemur á BBC að ákvörðunin hafi verið tekin í samræmi við vopnahlé sem samþykkt var um síðustu helgi. Vopnahléið var þó brotið og hafa deiluaðilar sakað hvorn annan um að hafa gripið til vopna.
Átök hófust í héraðinu í síðasta mánuði. Hundruð hafa látist. Um er að ræða skæðustu átök í héraðinu frá því að sex ára stríði um svæðið lauk með vopnahléi árið 1994.
Samið var um vopnahlé af mannúðarástæðum.