Alls 32 eru látnir eftir mótmæli í Suður-Afríku. Mótmælin hafa nú staðið yfir í fimm daga en þau hófust eftir fangelsun á fyrrverandi forseta ríkisins, Jacob Zuma.
Zuma, sem hefur verið ásakaður um að þiggja mútur frá fólki úr viðskiptalífinu á meðan hann var við stjórnvölinn, er nú í fangelsi í heimahéraði sínu KwaZulu-Natal. Eru nú 26 látnir í héraðinu en þar fara mestu mótmælin fram.
Samkvæmt Sihle Zikalala forsætisráðherra lést fólkið í troðningi þegar mótmælin breyttust í óeirðir. Yfirvöld kölluðu eftir aðstoð hersins til að halda mótmælendum í skefjum í gær. Herdeildir voru meðal annars ræstar út í Jóhannesarborg í Gauteng-héraði þar sem sex hafa látist.