Hraunið sem nú rennur til sjávar vegna eldgossins á La Palma eyjunni, sem er hluti af Kanarí eyjaklasanum, þekur nú svæði er samsvarar um 25 fótboltavöllum, eða um 20 hektara.

Landmassinn sem hraunið er að mynda í sjónum hefur tvöfaldast að stærð frá því í morgun. Þetta er haft eftir Eldfjallastofnun Kanaríeyja.

Þrátt fyrir að hættan á sprengingum og skýjum úr eiturgufum hafi ekki raungerst óttast sérfræðingar þar ytra að breytingar á vindátt gæti falið í sér nýjar hættur.  

Sterk brennisteinslykt gæti blásið yfir eyjuna

Veðurspá gerir nú ráð fyrir að vindátt breytist en hingað til hefur vindátt verið hagstæð og eiturgufum að mestu blásið á haf út.

Með breyttri vindátt gæti möguleikinn á sterkri brennisteinslykt á eyjunni aukist til muna, hefur AFP eftir Ruben Fernandez, sérfræðingi í neyðarnefnd eldfjallastofnunarinnar.

Frá upphafi gossins, þann 19. september síðastliðinn, hafa þúsundir þurft að flýja heimili sín og hefur hraunbreiðan gjöreyðilagt heimili, atvinnuhúsnæði og stóran hluta ræktarlands. 

Tengdar fréttir

Eldgos á La Palma

Vinsældirnar aukist eftir eldgosið

• Býflugur lifðu af eldgosið með magnaðri aðlögunarhæfni
• Myndband frá La Palma sýnir hús á kafi í ösku
• 30.000 íbúar á La Palma haldi sig innandyra
• Myndir sýna gjörbreytt landslag á La Palma

» Fleiri tengdar fréttir

• Blogga um frétt