Að minnsta kosti 19 manns, þar á meðal eitt barn, létust í loftárásum Rússa á suðurhluta Odessa-héraðs í Úkraínu í nótt, að sögn úkraínskra embættismanna. Enn vinna viðbragðsaðilar að því að bjarga tveimur börnum og einum fullorðnum einstakling undan rústum sem orðið hafa til vegna árásanna.

Þá særðust enn fleiri, 38 manns – þar af sex börn.

BBC greinir frá.

Neyðarþjónusta úkraínska ríkisins, DNS, segir að nær öll hinna látnu hafi verið stödd í níu hæða byggingu sem varð fyrri einu flugskeytanna í þorpinu Serívka. Talið er að um 150 manns hafi búið í byggingunni sem eyðilagðist mikið.

Neitar því að almennir borgarar séu skotmark

Að minnsta kosti tvö, eitt barn og einn fullorðinn létust í annarri árás þar sem þau dvöldu á orlofsstað í þorpinu. 

Rússneskar hersveitir hafa skotið tugum eldflauga á úkraínskar borgir undanfarna daga. 

Dmitrí Peskov, talsmaður rússneskra stjórnvalda, neitaði því enn einu sinni í dag að rússneskar hersveitir beindu spjótum sínum að almennum borgurum.

Tengdar fréttir

Úkraína

Hernaðaraðstoð samþykkt – Vopnasendingar í vikunni

• Aðstoðarvarnarmálaráðherra Rússa handtekinn
• Pólverjar reiðubúnir að geyma kjarnorkuvopn
• Skiptar skoðanir á aðstoð Bandaríkjamanna
• 61 milljarða dollara aðstoð til Úkraínu samþykkt

» Fleiri tengdar fréttir

• Blogga um frétt