Forsvarsmenn orkufyrirtækisins DTEK í Úkraínu segja að um helmingur raforkukerfisins í landinu hafi skemmst í stríðsátökunum við Rússa. Milljónir íbúa hafa verið án rafmagns í kjölfar sprengjuárása Rússa.
Talsmaður DTEK segir í færslu á Facebook að rússneskum hersveitum hafi tekist að eyðileggja um 40% raforkukerfisins með sínum eldflaugaárásum. Margir starfsmenn fyrirtækisins hafa látið lífið eða særst af völdum þessara árása.
Eftir að hafa þurft að hörfa undan sókn Úkraínumanna í haust, þá hófu Rússar að gera árásir á úkraínska orkuinnviði í október með tilheyrandi eyðileggingu og rafmagnsleysi.
Stór svæði í Úkraínu voru án rafmagns og hita í kjölfar stórskotaárásar í liðinni viku.
Starfsfólk orkufyrirtækja hafa unnið að því hörðum höndum að koma á jafnvægi að sögn DTEK. Unnið sé sleitulaust, dag og nótt.