Segir ásetninginn ekki fyrir hendi

Valur Lýðsson, t.h. og Ólafur Björnsson, verjandi hans við aðalmeðferð ...
Valur Lýðsson, t.h. og Ólafur Björnsson, verjandi hans við aðalmeðferð málsins í Héraðsdómi Suðurlands. mbl.is/Kristinn Magnússon

Verjandi Vals Lýðssonar, Ólafur Björnsson, fer fram á að Valur verði sýknaður af manndrápsákæru fyrir að hafa orðið bróður sínum að bana, en að öðrum kosti að honum verði gerð vægasta refsing sem unnt er að gera, með vísan til þess að það hafi ekki verið ásetningur hans að svipta bróður sinn lífi.

Þá er það krafa ákærða, að bótakröfum barna Ragnars á hendur honum verði vísað frá eða þær lækkaðar verulega, en fjögur börn Ragnars gera miskabótakröfur í málinu upp á 10 milljónir króna hvert.

Ákæruvaldið fer fram á að Valur verði dæmdur til 16 ára fangelsisvistar, fyrir manndráp.

Í málflutningi verjandans kom fram að það hefðu orðið fagnaðarfundir er bræðurnir þrír, Valur, Ragnar og Örn Lýðssynir, komu saman á æskuheimili sínu á Gýgjarhóli II í Biskupstungum 30. mars. Vísaði hann til vitnisburðar vinar Ragnars, sem ræddi við hinn látna í síma þetta kvöld og lýsti því fyrir dómi í síðustu viku að svo virtist sem vel hefði farið á með bræðrunum.

Ólafur dró í efa ásetning Vals um að verða bróður sínum að bana og sagði fullyrðingar ákæruvaldsins um meintan ásetning einungis byggjast á aðstæðum á vettvangi. Hann nefndi að vopni hefði ekki verið beitt, en ætla mætti að ef Valur hefði ætlað sér að bana bróður sínum hefði hann gripið til einhvers bareflis eða vasahnífs, sem hann var raunar með á sér allt þar til hnífurinn var tekinn af honum við líkamsleit lögreglu.

Verjandinn sagði ljóst að fyrstu viðbrögð Vals eftir að hann vaknaði um morguninn hefðu verið að tilkynna Neyðarlínunni lát Ragnars og að ákærði hefði verið í áfalli er hann ræddi við bæði Neyðarlínu og lögreglu.

Þá hefði Valur ekki reynt að fela ummerki á vettvangi og sagt síðar meir að hann harmaði atburðinn verulega og sýnt iðrun, án þess þó að geta tekið afstöðu til þess sem gerðist þetta kvöld, sökum minnisleysis.

Rannsókn á vettvangi ábótavant

Ólafur sagði líka að rannsókn lögreglu hefði að mestu beinst að því að renna stoðum undir sekt Vals. Hann sagði rannsakendur ekki hafa útilokað að þriðji aðili hefði getað komið að þessum verknaði og benti á að ekki hefði verið gerð fingrafararannsókn í húsinu né fótsporarannsókn fyrir utan það.

Þá hefði ekki verið útskýrt almennilega hvers vegna ekkert blóð fannst á gólfinu á leiðinni frá þvottahúsinu og inn í svefnherbergi Vals, né hvers vegna ekkert blóð úr fórnarlambinu fannst í svefnherberginu, þrátt fyrir að blóð úr Ragnari væri á bæði sokkum og fleiri flíkum Vals.

mbl.is

Innlent »

Tesla setur nýtt sölumet rafbíla í Noregi

16:30 Sala á rafbílnum Tesla Model 3 í Noregi í mars virðist hafa slegið fyrra sölumet rafbíla í landinu. Þá miðað við sölu í einum mánuði. Rafbílar frá Tesla hafa selst vel í Noregi. Meira »

Utanfélagsmenn óbundnir af boðun

15:47 „Stjórnarskrá lýðveldisins hefur að geyma ákvæði um félagafrelsi. Í því felst að þú getur verið í því félagi sem þú vilt og staðið utan þess félags sem þú vilt,“ sagði Helgi Jóhannesson, hæstaréttarlögmaður. Meira »

Ingimundur úr stjórn Isavia

15:44 Ingimundur Sigurpálsson lét af embætti stjórnarformanns Isavia á aðalfundi félagsins sem fram fór í dag á Hótel Natura í Reykjavík. Ingimundur hefur verið formaður stjórnar Isavia undanfarin sex ár. Meira »

Píratar bjóða börnum pítsur

15:32 Ungir Píratar fordæma mútur skólastjórnenda sem reyna að halda börnum og ungmennum frá því að berjast fyrir aðgerðum í loftslagsmálum með því að bjóða þeim pítsur í skólanum og hafa ákveðið að sýna stuðning sinn við baráttuna í verki með því að bjóða upp á pítsu á Austurvelli. Meira »

Útilokað fyrir blinda að labba Laugaveg

15:09 „Það er nánast útilokað fyrir mig að labba Laugavegin vegna allra hindrana á gangstéttunum. Öll þessi auglýsingaskilti frá veitingastöðum og verslunum eru alls staðar,” segir Vilhjálmur Gíslason sem er blindur og notast við blindrastaf. Meira »

Bíða eftir niðurstöðu efnissýna

14:50 Beðið er eftir niðurstöðu efnissýna sem tekin voru á fjórum stöðum í Ártúnsskóla vegna gruns um myglu. Þak skólans lekur og einnig hefur verið lekavandamál meðfram gluggum á glervegg. Sýni voru tekin á þessum stöðum í byggingunni. Meira »

Leki í skipi úti fyrir Hafnarfirði

14:36 Leki kom upp í togskipinu Degi úti fyrir Hafnarfirði á öðrum tímanum í dag og voru björgunaraðilar kallaðir til. Fimm manns eru um borð í skipinu og var ekki talið að mikil hætta væri á ferð. Meira »

Gagnrýnir „plebbaskap“ þingmanna

14:26 „Sumir þingmenn halda að það sé hlutverk þeirra að hafa eftirlit með öllu sem gerist í samfélaginu. Þingmenn sem geta ekki einu sinni haft sæmilegt eftirlit með sjálfum sér hafa ekkert með slík eftirlitsstörf að gera.“ Meira »

Ber að leggja niður störf

14:04 Allir þeir sem sinna starfi sem heyrir undir kjarasamning Eflingar og verkfallsboðun félagsins nær til, verða að leggja niður störf á morgun hvort sem þeir eru í öðrum félögum eða utan stéttarfélaga, segir Lára V. Júlíusdóttir, lögmaður og sérfræðingur í vinnurétti, í samtali við mbl.is. Meira »

Um 90 manns í sýnatöku vegna mislinga

13:39 Engin ný mislingatilfelli hafa verið greind hér á landi. Heildarfjöldi staðfestra tilfella er 6 og eitt vafatilfelli. Alls hafa verið tekin sýni hjá um 90 einstaklingum á undanförnum vikum. Meira »

Vinnufundur deiluaðila stendur yfir

13:32 Vinnufundur stendur yfir í húsakynnum ríkissáttasemjara þar sem fulltrúar Eflingar, VR, Verkalýðsfélags Akraness, Verkalýðsfélags Grindavíkur, Landssambands íslenzkra verslunarmanna og Framsýnar funda með fulltrúum Samtaka atvinnulífsins. Meira »

Skortir á skilning lækna vegna ófrjósemi

13:24 „Staðan fyrir konur með endómetríósu er ekkert voðalega góð upp á að fá aðstoð við frjósemina,“ segir Kolbrún Stígsdóttir, formaður Samtaka um endómetríósu sem standa fyrir málþingi um endómetríósu og ófrjósemi. Meira »

Gera heildarúttekt á Varmárskóla

12:28 Gerð verður úttekt á öllu skólahúsnæði Mosfellsbæjar og heildarúttekt á húsnæði Varmárskóla. Þetta var samþykkt á bæjarstjórnarfundi í gær. Meira »

Segir ÖBÍ hafna afnámi skerðingar

11:51 „Unnið hefur verið sleitulaust að því að fá niðurstöðu, en þeirri niðurstöðu er hafnað af Öryrkjabandalaginu. Í þeirri lausn sem er á borðinu er verið að afnema krónu á móti krónu skerðingu, en því er hafnað,“ sagði Bjarni Benediktsson fjármálaráðherra á Alþingi í dag. Meira »

Valdbeiting lögreglu aldrei „krúttleg“

11:24 „Valdbeiting verður aldrei falleg,“ sagði Ásgeir Þór Ásgeirsson, yfirlögregluþjónn hjá lögreglunni á höfuðborgarsvæðinu, á fundi allsherjar- og menntamálanefndar Alþingis í morgun. Fundurinn var haldinn til þess að ræða aðgerðir lögreglu gegn mótmælendum á Austurvelli 11. mars síðastliðinn. Meira »

Súperskörp stúdía

11:20 „Súper er bráðfyndin og skörp stúdía í íslenskum sjálfsmyndarklisjum. Kannski ekki djúpskreið. Kannski ekki ýkja frumleg, við höfum heyrt þetta allt áður. En það er auðvitað mergurinn málsins,“ skrifar Þorgeir Tryggvason í leikdómi sínum um Súper – þar sem kjöt snýst um fólk. Meira »

Gagnrýndi átta milljarða aðhaldskröfu

11:11 „Er hæstvirtur ráðherra með öðrum orðum að segja að forsendur fjármálaáætlunar frá í fyrra hafi staðist? Hann er þá væntanlega einn um það,“ sagði Logi Einarsson, formaður Samfylkingarinnar, í ræðustól Alþingis í dag. Hafði hann leitað skýringa Bjarna Benediktssonar fjármálaráðherra á hagræðingarkröfu. Meira »

Vill fjallahjólastíg niður Esjuna

10:37 „Esjan er frábært útivistarsvæði og er jafnframt þekktasta útivistarsvæði okkar Reykvíkinga. Ég sá tækifæri í að nýta þetta svæði betur. Fjallahjólafólk notar nú þegar stígana. Hægt væri að búa þannig um að fleiri gætu notið Esjunnar,” segir Katrín Atladóttir. Meira »

Deiluaðilar sitja á rökstólum

10:32 Fundur hófst klukkan 10:00 í húskynnum ríkissáttasemjara í kjardeilu Eflingar, VR, Verkalýðsfélags Akraness, Verkalýðsfélags Grindavíkur og Framsýnar við Samtök atvinnulífsins. Meira »