Lögreglunni á Suðurlandi og slökkviliði barst tilkynning um eld í fólksbíl á þjóðvegi 1 skammt austan við Vík í Mýrdal laust fyrir klukkan þrjú í nótt.
Lögregla greinir frá þessu á Facebook-síðu sinni og segir bílinn fljótt hafa orðið alelda.
Tveir voru í bílnum þegar eldurinn kom upp, ökumaður og farþegi og sluppu þeir báðir ómeiddir. Bíllinn er hins vegar gjörónýtur.