Frá 21. janúar hafa orðið yfir 1.100 jarðskjálftar í námunda við Grindavík, og hafa um hundrað þeirra orðið frá því á miðnætti. Þetta segir Elísabet Pálmadóttir, náttúruvársérfræðingur hjá Veðurstofu Íslands, í samtali við mbl.is.

Spurð um skjálftann sem varð klukkan 9 í morgun, 3,3 að stærð, segir hún að tilkynningar hafi borist frá Grindavík um að hann hafi fundist. Þær hafi þó ekki verið margar. „Ætli þau séu ekki bara byrjuð að venjast þessu,“ bætir hún við í léttum tón. 

Frétt af mbl.is

Jarðskjálfti upp á 3,3 skammt frá Grindavík

Skjálftavirknin heldur áfram

„Á meðan við erum að sjá landris og breytingar í jarðskorpunni þá má alveg búast við að jarðskjálftavirknin haldi áfram,“ segir Elísabet. Spurð hvort stórir skjálftar eins og þessi verði daglegt brauð segist hún ekkert geta sagt um það. „Vonandi ekki. En það er ekkert hægt að segja til um það.“

Fjallið Þorbjörn, í bakgarði Grindavíkur. mbl.is/Kristinn Magnússon

Tengdar fréttir

Landris á Reykjanesi

Land rís enn á Reykjanesskaga

• Mesta virkni sem hefur mælst frá upphafi
• Auka vöktun með efnainnihaldi neysluvatns
• Jörð skelfur við Krýsuvík
• Jarðskjálfti upp á 3,5 stig

» Fleiri tengdar fréttir

• Blogga um frétt