Minnisblað sóttvarnalæknis verður tekið til umræðu á ríkisstjórnarfundi í dag. Spurður hvernig aðstæður horfi við ríkisstjórninni segir Sigurður Ingi Jóhannsson innviðaráðherra að þrátt fyrr að staðan sé almennt góð hafi smitunum verið að fjölga og nýja afbrigðið sé greinilega meira smitandi. 

Frétt af mbl.is

Leggur til 20 manna samkomutakmarkanir

„Ef við horfum á reynsluna, sérstaklega í Danmörku, þá segir það okkur að skynsamlegt sé að fara varlega. Það er í því ljósi sem við förum á þennan ríkisstjórnarfund og tökumst á við þetta verkefni sem virðist engan enda ætla að taka,“ segir Sigurður Ingi. 

Frétt af mbl.is

300 smit virkilega alvarleg staða

Alls greindust 220 smitaðir innanlands í fyrradag en tekin voru 3.845 sýni. Thor Aspelund, prófessor í líftölfræði við Háskóla Íslands, sagði þá í samtali við mbl.is í gær að búast megi við því að smittölur nái upp í 300 á einum degi fyrir jól. Þá lést sjötugur karlmaður á Landspítala á laugardaginn var vegna Covid-19 en alls liggja 11 sjúklingar á Landspítala og er meðalaldur þeirra 64 ár, en tveir eru á gjörgæslu og annar þeirra í öndunarvél.

Tengdar fréttir

Kórónuveiran Covid-19

Kári segir Helgu fara með rangt mál

• Heimsfaraldurinn var æfing í seiglu
• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars

» Fleiri tengdar fréttir