Mikið álag á bráðamóttökunni í Fossvogi

Mikið álag er á bráðamóttökunni í Fossvogi þessa stundina og og margir sem bíða eftir þjónustu. Landspítalinn biðlar til almennings að hringja fyrst í síma 1700 eða leita upplýsinga á netspjalli Heilsuveru áður en leitað er þangað.

Þetta tilkynnir Landspítalinn í færslu á Facebook en þar segir að á bráðamóttökunni sé forgangsraðað eftir bráðleika.

Við aðstæður eins og nú eru getur fólk sem ekki er í bráðri hættu því þurft að bíða lengur en annars eftir þjónustu. Ef því verður mögulega við komið er þess vegna æskilegt að reyna að leita annað.