Breyting á stjórn Landverndar

Breyting var á stjórn Landverndar á aðalfundi í Grafarvogi í gær. Kosið var um fimm af tíu fulltrúum stjórnarinnar. En Þorgerður María Þorbjarnardóttir heldur áfram sem stjórnarformaður.

Aðrir stjórnarmenn:

• Jóhannes Bjarki Tómasson Urbancic, ritari
• Gunnlaugur Friðriksson
• Ásdís Hlökk Theodórsdóttir
• Guðmundur Steingrímsson
• Einar Þorleifsson
• Kristín Helga Gunnarsdóttir
• Helga Hvanndal
• Kristín Vala Ragnarsdóttir
• Stefán Örn Stefánsson

Guðlaugur Þór Þórðarson, umhverfis-, loftslags-, og orkumálaráðherra ávarpaði fundinn, en Bjarni Bjarnason fyrrverandi forstjóri Orkuveitu Reykjavíkur og ráðgjafi Landverndar var aðalgestur fundarins og ræddi orkumál.

Viðurkenning fyrir náttúru- og umhverfisvernd

Snæbjörn Guðmundsson og Christina Macrander hlutu sérstaka viðurkenningu Landverndar í náttúru- og umhverfivernd fyrir störf sín og árangur í umhverfis- og loftslagsmálum.

Snæbjörn var um tíð formaður Landverndar, en veitir nú forystu samtökunum Náttúrugrið sem hafa náð miklum árangri í náttúruvernd á síðustu misserum.

Christina hefur sýnt mikla þrautseigju í loftslagsmálum og tekið þátt í þeim í langa tíma þrátt fyrir ungan aldur. 

• Blogga um frétt