Mikill fjöldi fólks var í miðbæ Akureyrar í dag þar sem fólk naut veðurblíðunnar sem verið hefur á Norður- og Austurlandi í dag. Hitinn fór í 21,5 stig á nokkrum stöðum, meðal annars á Húsavík.
Um sjö þúsund ferðamenn voru á Akureyri í dag en tvö skemmtiferðaskip voru við bryggju í bænum og segja má að miðbærinn hafi verið stappfullur af fólki sem naut svo sannarlega góða veðursins.