Bandarískur kafari og ævintýramaður setti nýverið met í djúpköfun um borð í kafbáti þegar hann kafaði niður á ellefu kílómetra dýpi. Þar beið hans hins vegar ófögur sjón: Plastpoki og sælgætisbréf.

Victor Vescovo varði um fjórum tímum á mesta dýpi hafsins, við Mariana-skurð í Kyrrahafi, og sigldi um hafsbotninn í sérútbúnum kafbát. Á vegi hans urðu áhugaverð sjávardýr en einnig blasti við honum ófögur sjón þegar hann sigldi fram á plastpoka og umbúðir af sælgæti.

Bætti met James Cameron

Þetta er í þriðja sinn sem mannaður kafbátur kemst jafn djúpt niður fyrir sjávarmál. Bandaríski sjóliðsforinginn Don Walsh og svissneski verkfræðingurinn Jacques Piccard voru þeir fyrstu til að ná að kafa niður á tæpa 11 kílómetra (7 mílna) dýpi árið 1960 en það var ekki fyrr en 2012 sem tókst að endurtaka leikinn og var þar kvikmyndaleikstjórinn James Cameron að verki á skærgræna kafbátnum sínum.

Frétt af mbl.is

Cameron: Hafdjúpið einangrað og eyðilegt

Vescovo kafaði ellefu metrum betur en Cameron, alls 10.928 metra, og setti því nýtt met. Vescovo fór alls fimm ferðir niður á hafsbotn í leiðangri sínum. Ferðin sem þurfti til að slá metið tók alls 12 klukkustundir. „Það er nánast óútskýranlegt hversu spennt við erum yfir afrekinu sem við náðum rétt í þessu,“ sagði Vescovo eftir að metið var slegið.

James Ca­meron kem­ur upp úr und­ir­djúp­un­um í leiðangri sínum árið 2012. AFP

Í myndskeiðinu hér að neðan má sjá þegar fagnaðarlæti brutust út meðal skipuleggjenda leiðangursins þegar kafbáturinn lenti á hafsbotni.

Plastpokinn skýrt dæmi um meðferð mannanna á jörðinni

Leiðangursteymið fullyrðir að á hafsbotni hafi þau uppgötvað fjórar nýjar tegundir af krabbadýrum í líkingu við marflær.

Leiðangurinn sýndi einnig svart á hvítu þau áhrif sem mennirnir hafa á jörðina og vistkerfi hennar, líkt og plastpokinn og sælgætisbréfin sanna.

Frétt af mbl.is

Milljón tegundir í útrýmingarhættu

Í niðurstöðum nýrrar skýrslu á vegum Sameinuðu þjóðanna segir til að mynda að okk­ar kyn­slóðir, nátt­úru­líf og kom­andi kyn­slóðir séu í hættu nema gripið verði til knýj­andi aðgerða til að koma megi í veg fyr­ir að plönt­ur, skor­dýr og aðrar ver­ur sem mann­kyn reiðir sig á til mat­ar, til frjóvg­un­ar og fyr­ir hreint vatn og stöðugt lofts­lag verðu út­dauðar.  

Í skýrslunni segir jafnframt að vist­kerf­um jarðar hraki nú hraðar en dæmi eru um.

Tengdar fréttir

Umhverfisvitund

Borteigar á óröskuðu hrauni gagnrýndir

• Þýskaland „á réttri leið“ í átt að markmiðum
• Vilja stofna embætti umboðsmanns náttúrunnar
• Hamstrið fór úr böndunum
• Stuðningur við hjól og rafhjól verði framlengdur

» Fleiri tengdar fréttir

• Blogga um frétt