Matur | mbl | 20.5.2019 | 11:19 | Uppfært 12:33

Fáránlega góður fitness kjúklingur

mbl.is/Íris Blöndahl

Ef þið teljið ykkur í vandræðum með hvað hafa skuli í kvöldmat þá eru þau vandræði formlega á enda því þessi dásemdarréttur er bæði bragðgóður og svo fáránlega hollur að fitness drottningar geta borðað hann í öll mál.

Það er Íris Blöndahl á GRGS sem á þessa uppskrift en hún segir að rétturinn hafi alltaf verið kallaður fitness kjúklingur á hennar heimili því hann sé svo hollur og góður. „Hann er mjög oft hafður á mánudags kvöldum og er góður til þess að byrja holla viku eftir helgarfríið. Ég vel að nota kjúklingalæri í stað þess að nota bringur því kjötið verður miklu mýkra og bragðbetra. Það er ekki aftur snúið í bringur eftir að maður prófar lærin. Ég bar þetta svo fram með ofnbökuðu brokkolí og gulrótum, salati og Aprókósupestó.“

Fáránlega góður fitness kjúklingur

1 poki úrbeinuð kjúklingalæri frá Rose Poultry
4 hvítlauksrif
1 sm engifer rót
1 lime

Aðferð:

Skerið kjúklingalærin í munnbita og setjið í skál eða fat.
Rífið engifer rótina á rifjárni og setjið í sér skál.
Kreistið hvítlauksrifin ofan í sömu skál.
Bætið safanum af einni límónu við og hrærið saman.
Þessu er öllu helt yfir kjúklinginn og leyft að bíða í 30 mínútur.
Salt og pipar sett yfir kjúklinginn eftir smekk.
Kjúklingurinn er nú steiktur á pönnu í 14 mínútur eða þar til hann er full eldaður .
Ég bar hann fram með ofnbökuðu grænmeti, salati og Apríkósupestó.

- - -

Fylgstu með Matarvefnum á Instagram og Facebook. Endalaus ævintýri, hugmyndir, skemmtilegir leikir og allt það heitasta heita...