Léttist um 51 kíló við magabandaaðgerð

Karen Lind Óladóttir nú og þá. Í dag er hún ...
Karen Lind Óladóttir nú og þá. Í dag er hún 51 kílói léttari.

Karen Lind Óladóttir hafði prófað alla kúra sem í boði voru. Hún var búin að reyna að breyta mataræði sínu og stunda líkamsrækt en gafst alltaf upp, hætti að mæta og fór aftur í sama farið. Hún segist hafa verið einn dyggasti stuðningsaðili líkamsræktarstöðva fyrr og síðar.  Hinn 3. júní 2010 breyttist lífið þegar Karen Lind fór í magabandaaðgerð. Íslenski skurðlæknirinn Auðun Sigurðsson framkvæmdi aðgerðina en hann framkvæmir um eitt þúsund magabandaaðgerðir á ári. Karen Lind leitaði til Auðuns eftir að hafa glímt við offitu frá unglingsaldri. Nú tæplega tveimur árum eftir aðgerð er hún 51 kílói léttari. 

„Eftir aðgerðina var ég á fljótandi fæði í tvær vikur og svo á maukuðu fæði í tvær vikur þar á eftir. Eftir þessar fjórar vikur fikraði ég mig áfram á venjulegu mataræði. Það tók mig langan tíma að læra inn á þetta. Ég þurfti að taka hausinn á mér í gegn og læra að umgangast mat upp á nýtt. Ég þurfti að læra að gefa mér tíma til að borða og læra að borða minni skammta. Sársaukinn eftir aðgerðina var ekki mikill. Tilfinningin var eins og að hafa verið kýldur í magann. Ég var alveg hætt að finna fyrir eymslum 10 dögum eftir aðgerð. Eftir fjórar vikur fékk ég fyllingu í bandið sem veldur því að magaopið þrengist. Fólk þarf að fara í nokkur skipti í áfyllingu til að stilla bandið af. Það er mjög persónubundið hvað þarf mikið í bandið. Það má hvorki vera of lítið eða of mikið í því. Eftir að ég var búin að fá mína fullkomnu fyllingu fór ég að léttast á góðum hraða, eða um hálft til eitt kíló á viku.“

Karen Lind þurfti að gjörbreyta mataræði sínu eftir aðgerð. Hún segist í dag borða allan venjulegan mat en þó í mun minni skömmtum en áður.

„Á meðan ég horfi á fólk í kringum mig slátra heilli pítsu borða ég eina sneið, mögulega eina og hálfa ef ég er mjög svöng. Ég fæ mér alveg nammi og snakk, en ég er þá ekki að slátra heilum nammipoka á núll komma einni eða heilum snakkpoka eins og áður. Ég fæ mér kannski þrjá nammibita og þá er ég bara góð. Þegar fólk fer í magabandaaðgerð þarf það að fara eftir átta gullnum reglum magabandsins. Ef fólk gerir það ætti allt að ganga vel. Ég fann það að ef ég fór ekki eftir þeim léttist ég miklu hægar og því fór ég ósjálfrátt að reyna að velja alltaf hollari kostinn sem var í boði. Fyrir mig, sem hefur alltaf átt í mjög óheilbrigðu sambandi við mat, kom hugarfarið einhvern veginn hægt og rólega þegar ég fór að sjá árangurinn.“

Magabandaaðgerð er dýr og það kostar í kringum milljón að gangast undir hana. Karen Lind segir að það hafi ekki stoppað sig. 

„Það stoppaði mig ekki. Góð heilsa og bætt vellíðan er nokkuð sem ekki er hægt að verðleggja og ég sé ekki eftir einni einustu krónu sem fór í þessa aðgerð,“ segir hún.

Hún segir að líf sitt hafi stökkbreyst eftir að hún fór í aðgerðina.

„Ég er 51 kílói léttari, mér hefur aldrei liðið betur. Það er einhvern veginn allt miklu léttara. Ég er til dæmis nýbyrjuð að fara í ræktina og mér finnst það virkilega gaman. Áður fyrr þurfti ég alltaf að pína mig til að fara og fannst það hundleiðinlegt og í þau fáu skipti sem ég mætti gerði ég ekkert marktækt og tók ekkert á. Mér finnst ég hafa meiri orku, það er léttara að vakna á morgnana og bara virkilega gaman að vera til. Svo skemmir nú heldur ekki fyrir að geta labbað inn í venjulegar búðir og keypt sér föt án þess að þurfa að fara í „oversized“-deildina,“ segir hún og brosir.

Karen Lind segist alltaf hafa verið of þung. Hún segist hafa fitnað mjög mikið í framhaldsskóla og það hafi verið erfitt að snúa við blaðinu. Mataræðið hafi ekki verið gott.

„Ég var alltaf í íþróttum sem barn, æfði skíði, fótbolta og körfubolta þannig að það var ekki hreyfingarleysið á þeim tíma. Ég var bara alltaf borðandi, ekki bara sætindi heldur allan mat. Ég var ekki búin að kyngja matarbitanum þegar ég spurði hvað væri í kvöldmatinn. Þess á milli stalst ég stöðugt í nammi og mat þegar foreldrar mínir sáu ekki til. Þegar ég komst á unglingsaldur hætti ég í íþróttum og þá versnaði ástandið til muna þangað til allt fór til fjandans.“

Það er eitt að grenna sig um 51 kíló og annað að viðhalda forminu. Hún segir að það sé ekkert erfitt ef hún haldi sínu striki.

„Ég mun auðvitað alltaf vera með bandið í mér og það mun alltaf halda við þannig að ég get ekki étið eins og svín. Ég þarf að sjálfsögðu að halda áfram að velja vel hvað ég borða og ætla mér að gera það og halda áfram að hamast í ræktinni og stefni á að hlaupa 10 km í Reykjavíkurmaraþoninu í ágúst. Auðvitað er þetta engin skyndilausn frekar en neitt annað í baráttunni við offitu. Það er ekki jafnlétt og að segja það að læra að umgangast mat upp á nýtt og breyta öllum sínum matarvenjum sem maður hefur þróað allt sitt líf.“

Svona lítur Karen Lind út í dag. Ánægð að vera ...
Svona lítur Karen Lind út í dag. Ánægð að vera laus við 51 kíló.
Hér er Karen Lind eftir aðgerð.
Hér er Karen Lind eftir aðgerð.
Þessi mynd var tekin af Karen Lind fyrir aðgerð.
Þessi mynd var tekin af Karen Lind fyrir aðgerð.
Þessi mynd var tekin af Karen Lind fyrir aðgerð.
Þessi mynd var tekin af Karen Lind fyrir aðgerð.
Þessi mynd var tekin af Karen Lind fyrir aðgerð.
Þessi mynd var tekin af Karen Lind fyrir aðgerð.
mbl.is

Bloggað um fréttina

Lykillinn að farsæld Gisele Bündchen

22:30 Ofurfyrirsætan Gisele Bündchen segir að ef fólk ástundar daglega hluti sem byggir það upp verði verkefni lífsins auðveldari.  Meira »

80 skvísur í góðri sveiflu

18:00 Fyrsta opna REDKEN kvennamótið í golfi var haldið í Golfklúbbi Borgarness að Hamri síðasta föstudag. Tæplega 80 konur komu saman til að eiga glaðan dag á þessum glæsilega velli sem skartaði sínu fegursta í tilefni dagsins. Meira »

Stjörnur sem eiga óþekkt tvíburasystkini

14:50 Ein frægasta fyrirsæta heims, Gisele Bündchen, fagnaði 39 ára afmæli á dögunum rétt eins og óþekkt tvíburasystir hennar sem heitir Rafaela. Fjölmargar stjörnur eru tvíburar. Meira »

Áhuginn kviknaði í Noregi

10:00 Á Ísafirði hefur verið starfræktur svokallaður félagslandbúnaður í nokkur ár undir heitinu Gróandi en stofnandi félagsins, Hildur Dagbjört Arnardóttir, er mikil talskona umhverfisverndar og sjálfbærrar ræktunar hvers konar. Meira »

Fallegasta brúður í heimi?

05:00 Gigi Gorgeous gekk upp að altarinu nýverið og er að mati margra ein fallegasta brúður sem sögur fara af. Olíu-erfinginn Nats Getty virtist missa andann við að sjá tilvonandi eiginkonu sína ganga að altarinu. Meira »

Algengustu kynlífsfantasíurnar

í gær Ansi marga dreymir um að hrista upp í hlutunum í svefnherberginu. Hér eru sjö algengustu kynlífsfantasíur sem fólk hefur.  Meira »

Klæðir sig eins og prinsessa

í gær Jana Aasland er vinsæl um þessar mundir og klæðir sig í anda prinsessu þar sem stórar ermar eru í fyrirrúmi og strigaskór svo eitthvað sé nefnt. Meira »

Frosti og Helga Gabríela mættu saman

í gær Frosti Logason og Helga Gabríela voru í góðum gír á myndlistarsýningu Ella Egilssonar í NORR11 á föstudaginn.   Meira »

Sex ára afmælisprins styður England

í gær „Prins Georg á afmæli í dag, en sem elsta barn Vilhjálms og Katrínar, hertogahjónanna af Cambridge, er hann þriðji í erfðaröðinni að bresku krúnunni,“ skrifar Guðný Ósk Lax­dal, konunglegur sérfræðingur Smartlands. Meira »

Blómapottar geta létt lífið

í gær Mörgum þykir þægilegra að vinna með plöntur í blómapottum frekar en í beðum, en Margrét Ása í Blómavali segir áríðandi að ganga þá rétt frá pottunum. Meira »

Þetta er kalt í heimilistískunni

í gær Myndaveggir og að hafa allt í sama stílnum er að detta úr tísku. Fólk er hvatt til þess að hafa heimilin lífleg og fjölbreytt eins og lífið sjálft. Meira »

Er vesen í svefnherberginu?

21.7. Ef slæmur svefn er að hafa áhrif á kynlífið gæti lausnin verið að sofa hvort í sínu rúminu.  Meira »

Gott grill breytir stemningunni í sólinni

21.7. Vönduð þjónusta og góður varahlutalager skiptir kaupendur æ meira máli við val á grilli. Einar Long segir hvorki gott fyrir jörðina né veskið að ætla að endurnýja heimilisgrillið með nokkurra ára millibili. Meira »

Húsgagnalína í anda Friends

21.7. Húsgagnatískan hefur breyst töluvert síðan 2004, árið sem síðasti Friends-þátturinn fór í loftið. Nú geta þó æstir aðdáendur Friends-þáttanna keypt húsgögn og aðra heimilismuni sem eru innblásnir af því sem sást í þáttunum. Meira »

Finnst róandi að mála sig

21.7. Helga Sæunn Þorkelsdóttir förðunarfræðingur fékk snemma áhuga á snyrtivörum og hefur áhuginn og færnin bara aukist með árunum. Smartland fékk að kíkja í snyrtibuddu Helgu. Meira »

Frægasta peysa Díönu var ræktarpeysan

21.7. Frægasta peysa Díönu prinsessu seldist fyrir metfjárhæð. Díana klæddist peysunni alltaf þegar hún fór í ræktina.   Meira »

Ótrú unnustanum og hætti við brúðkaupið

20.7. „Eftir að hafa dreymt hann mánuðum saman stundaði ég kynlíf með stjörnunni í badmintonliðinu okkar. Ég hætti við brúðkaup vegna hans en nú er ég með áhyggjur yfir því að ég hafi farið frá góðum manni vegna drauma.“ Meira »

Blómstrandi tré eru málið núna

20.7. Sigríður Helga Sigurðardóttir, eigandi Gróðrarstöðvarinnar Markar, segir að fólk hafi mikinn áhuga á berja- og ávaxtatrjám. Hún segir líka að það færist í vöxt að fólk rækti krydd og salat í garðinum sínum. Meira »

Kylie í notuðum fötum

20.7. Í sumarfríi sínu í Karíbahafi hefur Kylie Jenner klæðst sundfötum sem eru þremur árum eldri en hún sjálf, og sundbol og leggings sem eru sex árum eldri en hún. Meira »

Rut Kára hannaði fantaflotta þakíbúð

20.7. Þakíbúðin í Garðabæ hefur allt það sem góð þakíbúð þarf að bera, góða lofthæð, stóra partýstofu og þaksvalir með heitum potti. Meira »

Í sömu skónum í fjórða sinn í sumar

20.7. Katrín hertogaynja af Cambridge kann að velja skó við öll tilefni. Þessir skór passa svo sannarlega við hvaða tilefni sem er, enda hefur hún verið í þeim á fjórum viðburðum í sumar. Meira »
Meira píla