Skandinavískur stíll er áberandi í heillandi íbúð við Háaleitisbraut. Blokkin er reyndar engin venjuleg blokk því íbúðin er í annarri Sigvalda-blokkinni. Blokkin er hönnuð af Sigvalda Thordarsyni arkitekt sem þykir hafa sett mikinn svip á byggingarlist á Íslandi. Blokkin er byggð 1964 og er íbúðin sjálf 143 fm að stærð.
Þessi íbúð er með vönduðu og fínu skipulagi. Gólfin eru flotuð og eru loftin úr viði. Hvítar innréttingar prýða eldhúsið en annars fær hinn upprunalegi viður að njóta sín í íbúðinni.
Falleg húsgögn prýða íbúðina og er hugsað út í hvert smáatriði.