Það hefur ekki farið fram hjá fasteignaáhugafólki að Kjarvalshús Olivers Lucketts á Seltjarnarnesi var sett á sölu í vikunni. Húsið er einstakt en listaverkin eru ekki síður athyglisverð enda Luckett þekktur fyrir að vera mikill listaverkasafnari. Eitt herbergi vekur þó meiri athygli en önnur í húsinu.
Á mynd úr húsinu sem sjá má hér að ofan sést inn í eitt af herbergjum hússins en alls eru fimm svefnherbergi í húsinu. Herbergið er þakið notalegu loðnu efni sem minnir á listaverk Shoplifter. Listakonan Hrafnhildur Arnardóttir hefur gert stórar innsetningar sem svipa til þess sem glittir í inni í herberginu undir nafninu Shoplifter. Var hún fulltrúi Íslands á Feneyjartvíæringnum í vor.
Listaverkið í herberginu býr til ákveðna dulúð og má ímynda sér að gestir í húsinu hafi farið í herbergið í leit að ró og næði.