Við Valshlíð í Reykjavík er að finna 99 fm íbúð á annarri hæð í fjölbýlishúsi sem byggt var árið 2020. Eignin hefur verið fallega innréttuð þar sem stílhreinir húsmunir og skemmtileg list mætast og skapa afar notalega stemningu.
Eldhús, borðstofa og stofa eru samliggjandi í opnu alrými. Á milli borðstofu og stofu hefur bókaskáp verið komið fyrir sem brýtur rýmið upp á skemmtilegan máta og gefur eigninni mikinn sjarma.
Í borðstofunni er fallegt gult Flowerpot-loftljós úr smiðju danska arkitektsins Verner Panton sem tónar afar vel við gula Moccamaster kaffivél í eldhúsinu. Tvö svefnherbergi eru í íbúðinni, en þar fær guli liturinn einnig að njóta sín – annarsvegar á veggjum og hins vegar í gluggatjöldum.
Í stofu og borðstofu eru veggirnir þaktir fallegum myndum, en gólfsíðir gluggar hleypa mikilli birtu inn í rýmið. Þá hefur notalegum hengistól verið komið fyrir í stofunni sem gefur rýminu án ævintýralegan blæ.