Glæsilegt sveitasetur í Þýskalandi er nú til sölu á íslenskum fasteignamarkaði. Ástæðan er sú að eignarhaldið liggur í íslensku einkahlutafélagi, ekki liggur fyrir hver á fyrir félagið. Eignin á sér langa sögu en hún er yfir 170 ára gömul. Ásett verð er 219 milljónir króna.

Húsið er nálægt þýsku borginni Trier en þaðan er stutt til Lúxemborgar. Dæmi er um að fólk sem sækir vinnu til Lúxemborgar búi í Trier eða nágrenni. 

Upphaflega var húsið mylla en nú er íbúðarhúsnæðið tæpir 350 fermetrar. Það er nóg af auka rými en eigninni fylgir meðal annars hlöðuloft, gamalt fjós eða hesthús og yfirbyggð bílskýli. 

Einn helsti kostur sveitasetursins er staðsetningin, en eignin er staðsett nærri Mósel í Þýskalandi og er því stutt í vínræktarhéruð. Umhverfið er draumi líkast en sveitasetrið liggur á rúmlega fimm hektara lóð og þar af er hálfur hektari af skóglendi auk akurlendis. Meðfram lóðinni liggur fallegur lækur. 

Sjá á fasteignavef mbl.is: Sveitasetur í Þýskalandi

Tengdar fréttir

Heimili

Valgerður hefur tvisvar keypt sama húsið sem nú er komið á sölu

• Bústaður biskups seldur á 360 milljónir
• Áshildur keypti íbúð Björns Zoëga
• Félag viðskiptakonu keypti bústað biskups
• Ísold og Una selja íbúðina í Álfheimum

» Fleiri tengdar fréttir

• Blogga um frétt