Það var kátt í Valsheimilinu á Kvennakvöldi Vals sem haldið var á föstudaginn. Einhverjar höfðu orð á því að þetta væri skemmtilegasta kvöld ársins og miðað við myndirnar hlýtur það að vera satt og rétt. 

Kvennakvöldið hófst á fordrykk kl. 19.00 og mættu gestirnir í sínu fínasta pússi. Boðið var upp á girnilegan mat en kokkurinn galdraði fram nautakjöt og kalkún með sætkartöflumús. Í eftirrétt var boðið upp á franska súkkulaðiköku. 

Leikkonan Jóhanna Vigdís Arnardóttir var veislustjóri og Margrét Erla Maack tryllti partíið með Beyoncé-dansi. Að borðhaldi loknu sáu Hafrún Kristjánsdóttir og Sonja um tónlistina. Og þá var sko dansað!