Skúli Mogensen forstjóri Wow Air verður 50 ára 18. september. Hann ákvað að taka forskot á sæluna og hélt upp á afmæli sitt í Hvammsvík í Hvalfirði á laugardaginn. Það var sérstakt þema í klæðaburði eða breskt herragarðsþema. Voru gestir klæddir upp í tveed-efni, hnébuxur og með hatta. Afmælisbarnið sjálft var klætt upp í sama stíl en ögn djarfari en restin af gestunum því hann var í bleikum jakkafötum sem samanstóðu af hnébuxum, einhnepptu vesti og jakka. Við þetta var hann í hvítri skyrtu og með silkiklút um hálsinn og í gulum hnésokkum.

Veislan var hin glæsilegasta en nánustu vinum, ættingjum og samstarfsfólki var boðið í teiti sem var hálfgerð útihátíð því gestir máttu taka með sér tjöld, húsbíla eða mæta á báti en við Hvammsvík er smábátahöfn. 

Stuðmenn skemmtu gestum veislunnar og var Jakob Frímann Magnússon veislustjóri. Þegar skyggja tók komu Dj Margeir, Daníel Ágúst og Högni Egilsson og héldu uppi stuðinu með sínum hætti. Miklar og góðar veitingar voru í boði en besta afmælisgjöfin var líklega veðrið. Eftir samfellda rigningartíð braust sólin fram og skein skært allan daginn eða þangað til skyggja tók.  

Skúli Mogensen, forstjóri Wow Air.

Tengdar fréttir

SMARTLAND 12 ÁRA

Fullkomið að byrja að elda kvöldmat strax um morguninn

• Áhyggjulaus og afslöppuð í sumarfríinu
• Funheitur gestalisti á nýjum stað við Hverfisgötu
• Langar í mann en vill ekki hanga á bar til að reyna að finna hann
• Emil og Ása Regins buðu í partí

» Fleiri tengdar fréttir

• Blogga um frétt