Kristinn Óli Haraldsson, oftast nefndur Króli, mætti með kærustu sína á frumsýningu Agnes Joy í gærkvöldi. Sú heppna heitir Ragnhildur Birta Ásmundsdóttir og er nemi í samtímadansi í Listaháskóla Íslands.
Króli leikur eitt af hlutverkunum í myndinni en annars er hann þekktastur fyrir það að vera í hipphopp-hljómsveitinni JóiPé og Króli en hljómsveitin hefur sent frá sér hvern smellinn á fætur öðrum síðan samstarfið hófst. Þeir gerðu lagið B.O.B.A. mjög vinsælt árið 2017 og plata þeirra, Afsakið hlé sem kom út 2018 var ein mest selda plata ársins.