Nýtt ofurpar hefur litið dagsins ljós

Guðmundur Hafsteinsson og Guðlaug Kristbjörg Kristinsdóttir eru nýtt par.
Guðmundur Hafsteinsson og Guðlaug Kristbjörg Kristinsdóttir eru nýtt par. Ljósmynd/Samsett

Guðmundur Hafsteinsson fjárfestir og fyrrverandi yfirmaður hjá Google og Guðlaug Kristbjörg Kristinsdóttir forstjóri eru nýtt par. Bæði eru þau farsæl í starfi. Hann var endurkjörinn í stjórn Icelandair á föstudaginn. Guðbjörg Kristbjörg er forstjóri Stekks fjárfestingarfélags sem hefur verið farsælt.

Guðmundur hefur verið einn af eftirsóttustu piparsveinum landsins eins og Smartland greindi frá síðasta sumar. Nýlega var greint frá því fyrirtækið Fractal 5 hefði sótt þriggja milljón dala fjármögnun, en Guðmundur er stofnandi og forstjóri félagsins. Þá hefur Guðmundur verið stjórnarformaður Icelandic startups, en hann hætti þar nýlega.

Auk þess að vera forstjóri Stekks er Guðlaug stjórnarformaður Límtrés vírnets, Securitas og Kviku eignastýringar. Þá bauð hún sig fram til formennsku stjórnar Samtaka iðnaðarins í fyrra án árangurs.

Guðmundur Hafsteinsson er kominn á fast.
Guðmundur Hafsteinsson er kominn á fast. mbl.is/Eggert Jóhannesson

Smartland óskar þeim hjartanlega til hamingju með ástina! 

Guðlaug Kristbjörg Kristinsdóttir.
Guðlaug Kristbjörg Kristinsdóttir. mbl.is/Eggert Jóhannesson
mbl.is

Bloggað um fréttina