Heimurinn er á iði þessa dagana en nýjustu fréttir herma að kortavelta Íslendinga erlendis hafi sjaldan verið meiri en einmitt núna. Á meðan landsmenn voru með kortið á lofti í útlöndum var sjálfur fjármálaráðherra, Bjarni Benediktsson, að borða ís í Vestmannaeyjum í sinni bláu prímaloft-úlpu. Sultuslakur í íslensku sumri. Á sama tíma var tengdadóttir hans, Sunneva Eir Einarsdóttir, stödd í New York þar sem hún keypti Crocs-skó og fleira í Woodbury Common-outlettinu.  

Frétt af mbl.is

Íslendingar aldrei eytt jafn miklum pening erlendis

Birgitta Líf Björnsdóttir, eigandi Bankastræti Club og markaðsstjóri World Class, flaug til New York með fyrsta flugi íslenska flugfélagsins Play á fimmtudaginn var. Lent var á Stewart-flugvelli sem er nýr áfangastaður flugfélagsins. Birgitta Líf var í för með vinkonum sínum í LXS-hópnum, en þær taka þessa dagana upp nýjan sjónvarpsþátt, sem sýndur verður á Stöð 2 í ágúst. 

Camilla Rut nýtur lífsins, laus og liðug, en hún og eiginmaður hennar skildu á dögunum. Eins og sést á þessum myndum er hún eins og Marlyn Monroe endurfædd með þetta hár og þennan rauða varalit. 

Tik Tok-stjarnan Brynhildur Gunnlaugsdóttir er stödd í Kaliforníu þessa dagana, þar sem sólin er hátt á lofti. Hitinn er svo mikill að það er ekki hægt annað en að vera léttklæddur í þessu veðri. 

Frétt af mbl.is

Brynhildur Brá og Dani eru nýtt ofurpar

Friðrik Ómar púaði að sér lífinu um helgina í köflóttum jakka og með sólgleraugu. Þess má geta að hann reykir ekki beint, finnst bara næs að púa smá þegar vel liggur á honum. 

Guðríður Torfadóttir, eða Gurrý eins og hún er kölluð, er mætt á gólfvöllinn. Svalari golfskvísur er varla að finna eins og sjá má á myndinni. 

Hjálmar Örn Jóhannsson og Ljósbrá Logadóttir héldu Sjómannadaginn hátíðlegan í miðbæ Reykjavíkur ásamt fjársjóðnum sínum. 

Bjarni Benediktsson, fjármálaráðherra, var í Vestmannaeyjum um helgina, þar sem Pæjumótið fór fram en dóttir hans spilar með Stjörnunni. Hann var í essinu sínu þegar hann fékk sér í ís með dýfu og var klæddur blárri Prímaloft-úlpu frá Patagoniu sem er eitt vinsælasta útivistarmerkið í dag. Á meðan landsmenn kveikja í kortunum sínum erlendis heldur Bjarni fast um veskið og passar upp á peningana sína. 

Magnea Björg Jónasdóttir var með LXS-hópnum í New York um helgina í fyrstu ferð Play til New York. Þær dvöldu á Hudson-svæðinu en fóru svo inn á Manhattan en það tekur ekki nema 75 mínútur að fara með bíl frá Stewart-flugvelli. 

Tara Sif Birgisdóttir dansaði með Svölu Björgvins um helgina á Sjálandi. Eins og sjá má eru þær í einstökum fíling. 

Steiney Skúladóttir leikkona og Reykjavíkurdóttir var mættust í koddaslag á Sjómannadaginn eins og hún hefði aldrei gert neitt annað. 

Helga Margrét dýrkar sumarið í allri sinni mynd. Hér er hún með hvítvínsglas í hönd og gæti ekki haft það betra. 

Aldís Alma Hamilton er stödd í Berlín þessa dagana þar sem hún nýtur þess að vera til. 

Felix Grétarsson fagnaði því um helgina að afastrákurinn hans er kominn með nafn. Hann heitir í höfuðið á afa sínum, Felix Smári. 

Plötusnúðurinn Dóra Júlía Agnarsdóttir nýtur lífsins á Grikklandi með kærustunni, Báru Guðmundsdóttur. Turtildúfurnar létu fara vel um sig í bátsferð þar sem þær sleiktu sólina.

Tanja Ýr Ástþórsdóttir, áhrifavaldur og fyrrum fegurðardrottning, elskar sumarið í Lundúnum. 

Dansarinn Ástrós Traustadóttir var með LXS-hópnum í New York um helgina. Eins og sést hér fer þetta umhverfi henni vel. 

Tengdar fréttir

Instagram

Gerður í Blush mátaði brúðarkjóla í Mílanó

• Poppstjarna gekk í hjónaband á búgarði
• Sigga Ózk og Elísabet hrepptu draumahlutverkin
• Júlí Heiðar og Þórdís Björk gáfu dóttur sinni nafn
• Instagram: Áslaug Arna fór í réttir og Ásdís Rán fór á snekkju

» Fleiri tengdar fréttir

• 1 blogg um fréttina

Bloggað um fréttina

• Ingólfur Sigurðsson: Hið mikla menningarefni:"Vikan á Instagram" og álíka snilld.