Zendaya er alltaf fallega förðuð. Þú getur auðveldlega lært að farða þig á svipaðan hátt. 

Ameríska leikkonan og söngkonan Zendaya var stórglæsileg á Emmy-verðlaunahátíðinni þar sem hún krækti í verðlaun fyrir hlutverk sitt í þáttaröðinni Euphora. Leikkonan er einnig andlit franska snyrtivörumerkisins Lancôme. Á hátíðinni skartaði hún einstaklega fallegri förðun þar sem lögð var áhersla á heillandi augnförðun og lýtalausa húð. Þessi förðun fór vel á rauða dreglinum en hún mun líka smellpassa á andlit íslenskra kvenna yfir jólahátíðina.

Fyrir jafna, ljómandi og náttúrulega áferð notaði förðunarfræðingur Lancôme Teint Idole Ultra Wear Care & Glow. Farðinn er náttúrulegur og gefur heilbrigðan ljóma, hann þekur vel, jafnar áferð og endist í allt að 24 klukkutíma. Þessi farði hentar því vel fyrir jólaþyrsta einstaklinga sem vilja alls ekki fara heim úr jólaboðinu og vilja spila fram á nótt. Til að draga úr litabreytingum á augnsvæði og þrota er Zendaya með Teint Idole Ultra Wear All Over-hyljarann en bæði hann og farðinn innihalda einstaka eiginleika. Þegar þetta tvennt er notað saman fær húðin mýkt, raka og næringu.

Augnförðunin er mild og heillandi með skörpum eyeliner sem fer einstaklega vel með dökkum vörum sem oft einkenna hátíðirnar. Zendaya er hérna með Hypnôse-augnskuggapallettu í lit nr. 04, Taupe Craze, Idôle-eyeliner sem er vatnsheldur og einstaklega nákvæmur eyeliner-penni og Lash Idôle-maskarann sem er söluhæsti maskarinn frá Lancôme hér á landi. Á vörunum er Zendaya svo með L‘Absolu Rouge Cream-varalit í lit nr. 274, French-Tea, en varalitirnir gefa mikla næringu og mýkt, renna ekki til og gefa þægindi allan daginn.