Íslenska karlalandsliðið í fótbolta er áfram í 39. sæti af 210 þjóðum á styrkleikalista FIFA sem gefinn var út í morgun. Rúmenía, sem Ísland mætir í umspili um sæti í lokakeppni EM í sumar, er tveimur sætum fyrir ofan.
Ísland hefur hæst verið í átjánda sæti listans, fyrir tveimur árum. Íslenska liðið lék tvo leiki frá því listinn var síðast gefinn út í desember og vann bæði Kanada og El Salvador, 1:0. Ísland er í 24. sæti af 55 Evrópuþjóðum.
Belgía er í efsta sæti listans, Frakkland í öðru sæti og Brasilía í þriðja sæti, en engin breyting er á 22 efstu þjóðunum á milli lista. Palestína er sú þjóð sem hækkaði mest, en hún fór úr 106. sæti og upp í 103. sæti.
Efstu þjóðir styrkleikalista FIFA: