Önnur umferðin hefst á KR-vellinum

Önnur umferðin í PepsíMax deild karla í knattspyrnu hefst í kvöld á heimavelli KR í Frostaskjóli. 

KR tekur á móti KA klukkan 18.  KR vann Breiðablik í fyrstu umferð og KA gerði jafntefli gegn HK. 

Þessi tvö lið mættust aldrei á KR-vellinum í fyrra því leikur þeirra þar var einn þeirra sem var aflýst þegar keppni var hætt í október. Þau gerðu markalaust jafntefli í fyrri leiknum á Akureyri í júlímánuði.

Umferðin heldur áfram á morgun með þremur leikjum og lýkur með tveimur leikjum á sunnudaginn. 

• Blogga um frétt