Dregið var í undanúrslitum Mjólkurbikars karla í knattspyrnu í kvöld að loknum leikjunum fjórum í 8-liða úrslitum.
ÍA fær Keflavík í heimsókn á Skagann og núverandi bikarmeistarar hjá Víkingi Reykjavík fara vestur á firði og leika gegn Vestra.
Vestri er eina liðið utan úrvalsdeildarinnar sem enn er með í keppninni en liðið er í 6. sæti í Lengjudeildinni.
Áætlað er að leikirnir fari fram helgina 2. og 3. október. Leikurinn á Skaganum verði á laugardegi og leikurinn á Ísafirði á sunnudegi.