Dregið var til átta liða úrslitanna í bikarkeppni karla í knattspyrnu, Mjólkurbikarnum, nú í hádeginu.
Íslands- og bikarmeistarar Víkings mæta KR á Víkingsvelli.
KA mætir 2. deildarliði Ægis úr Þorlákshöfn á Akureyri.
HK, sem leikur í 1. deild, mætir Breiðabliki í sannkölluðum nágrannaslag í Kórnum.
Kórdrengir sem lelka í 1. deild mæta FH í Safamýrinni.
Leikirnir fara fram dagana 10. og 11. ágúst en undanúrslitin eru síðan leikin 31. ágúst og 1. september og úrslitaleikur keppninnar fer fram á Laugardalsvellinum 1. október. Liðin sem ná langt í Evrópukeppni gætu þó leikið á sunnudeginum um verslunarmannahelgina.