Nígeríska knattspyrnukonan Momola Adesanmi er gengin til liðs við Grindavík en hún lék með Fjölni á síðasta tímabili.
Adesanmi er 24 ára gömul og leikur ýmist sem varnar- eða miðjumaður. Hún lék áður með háskólaliði Missouri í Bandaríkjunum.
Hún lék sextán af átján leikjum Fjölnis í 1. deildinni en Grafarvogsliðið féll úr deildinni. Grindavík hafnaði í sjöunda sæti af tíu liðum í deildinni.