Hyypiä tvístígandi varðandi framtíðina hjá Liverpool

Finnski varnarmaðurinn Sami Hyypiä viðurkennir að hann sá hálf tvístígandi varðandi framtíð sína hjá Liverpool. Nafn hans var ekki á lista 25 leikmanna sem félagið tilkynnti til þátttöku í Meistaradeildinni, og kann hann því illa.

Nýjar reglur hjá UEFA segja að í það minnsta átta „heimamenn“ verði að vera í leikmannahópnum sem tilkynntur er til sambandsins fyrir keppni karla í Meistaradeildinni. Rafael Benítez, knattspyrnustjóri félagsins, sleppti Hyypiä og kom það Finnanum verulega á óvart.

„Þetta eru mikil vonbrigði. Ég skil að þetta er að hluta vegna nýju reglugerðarinnar, en þetta kom mér virkilega á óvart, sérstaklega vegna þess að félagið vildi ekki að ég færi eitthvert annað. Þetta er „fullkominn“ tími til að tilkynna þetta þar sem það er nýbúið að loka félagaskiptaglugganum,“ sagði Finninn.

• 2 blogg um fréttina

Bloggað um fréttina

• Dunni: Hyypia að vonum sár
• Marinó G. Njálsson: Hann vildi Meistaradeildina frekar en Stoke og fékk hvorugt