Íþróttir | Enski boltinn | mbl | 14.1.2018 | 15:26 | Uppfært 15:53

Arsenal komst yfir en tapaði

Callum Wilson skorar fyrir Bournemouth í dag.
Callum Wilson skorar fyrir Bournemouth í dag. AFP

Arsenal komst í 1:0-forystu gegn Bournemouth í seinni hálfleik er liðin mættust í ensku úrvalsdeildinni í knattspyrnu í dag. Það dugði hins vegar ekki til því Bournemouth skoraði tvö mörk og tryggði sér 2:1-sigur. 

Eftir frekar bragðdaufan fyrri hálfleik skoraði Héctor Bellerín fyrir Arsenal snemma í síðari hálfleik. Hann kláraði þá framhjá Asmir Begovic í marki Bournemouth eftir frábæra sendingu Alex Iwobis. 

Bournemouth gafst hins vegar ekki upp og Callum Wilson jafnaði á 70. mínútu eftir fyrirgjöf Ryans Frasers. Heimamenn voru ekki hættir því Jordon Ibe skoraði sitt fyrsta mark fyrir liðið á 74. mínútu og tryggði Bournemouth stigin þrjú. 

Arsenal er í 6. sæti, fimm stigum frá fjórða sæti, og Bournemouth fór upp í 13. sæti með sigrinum. 

Bournemouth 2:1 Arsenal opna loka
90. mín. Granit Xhaka (Arsenal) á skot framhjá Boltinn datt þægilega fyrir Xhaka utan teigs. Hann neglir boltann að marki en langt framhjá.
mbl.is
Fleira áhugavert
Telur forsendur fyrir vaxtalækkun Hvorki sést áður hér á landi né annars staðar Kaldasti veturinn kom að óvörum Eyjafjarðarbraut lokað vegna alvarlegs umferðarslyss
Fleira áhugavert
Shakespeare fannst í skókassa Kostnaður meiri en milljón á fermetra Kaldasti veturinn kom að óvörum Krefjast stöðvunar framkvæmda