Segir Foden þann hæfileikaríkasta

Pep Guardiola, knattspyrnustjóri Manchester City, segir að Phil Foden sé hæfileikaríkasti leikmaður sem hann hefur nokkurn tímann þjálfað. Guardiola hefur þjálfað menn á borð við Lionel Messi og Neymar. 

Foden er aðeins 19 ára gamall en hefur skorað sjö mörk í 36 leikjum fyrir City síðan hann lék sinn fyrsta leik fyrir tveimur árum síðan. „Hann er með allt til að verða einn af bestu leikmönnum heims," sagði Guardiola á blaðamannafundi í dag. 

„Phil er sá hæfileikaríkasti sem ég hef séð sem stjóri. Eina vandamálið er að ég set hann stundum ekki í byrjunarliðið. Það breytist í framtíðinni," sagði Guardiola, áður en hann bætti við að hann byggist ekki við að félagið myndi kaupa fleiri leikmenn í sumar. 

• Blogga um frétt