Liverpool gerði út um titilvonirnar (myndskeið)
Setja bókamerki
Stan Collymore reyndist hetja Liverpool þegar liðið vann ótrúlegan 4:3-sigur gegn Newcastle á Anfield hinn 3. apríl 1996 í ensku úrvalsdeildinni í knattspyrnu en hann skoraði sigurmark leiksins í uppbótartíma eftir að Liverpool hafði tvívegis lent undir í leiknum.
Roy Evans var knattspyrnustjóri Liverpool á þessum tíma en Kevin Keegan, fyrrverandi leikmaður Liverpool, var við stjórnvölinn hjá Newcastle. Úrslit leiksins höfðu mikið að segja um niðurstöðu deildarinnar tímabilið 2015-16 og má segja að Liverpool hafi eyðilagt titilvonir Newcastle á Anfield.
Bæði lið voru í harðri baráttu á toppi ensku úrvalsdeildarinnar en Newcastle var í öðru sæti deildarinnar með 64 stig, þremur stigum minna en topplið Manchester United, en Newcastle átti tvo leiki til góða á United.
Liverpool var í þriðja sætinu með 59 stig, fimm stigum minna en Newcastle, en tókst að brúa bilið á Newcastle í tvö stig með sigrinum. Newcastle átti hins vegar leik til góða á Liverpool en United endaði á að vinna deildina um vorið með 82 stig og lauk keppni fjórum stigum á undan Newcastle.
Liverpool tekur á móti Newcastle í hádegisleik ensku úrvalsdeildarinnar á morgun klukkan 11:30 og verður leikur í beinni útsendingu á Símanum Sport, heimili enska boltans í vetur.
Gígbarmurinn hækkað frá því í gær
Tveir í bílnum sem lenti utan vegar
Telur forsendur fyrir vaxtalækkun
„Höfum ekki náð að skríða upp úr þeirri gryfju“
Kaldasti veturinn kom að óvörum
Banna mengandi búnað sem leyfður er á Íslandi