Knattspyrnumaðurinn Dominic Calvert-Lewin skrifaði í dag undir nýjan fimm ára samning við Everton. Hinn 22 ára Calvert-Lewin hefur átt gott tímabil og skorað 15 mörk í 31 leik.
Framherjinn hefur verið í byrjunarliði Everton í öllum tíu leikjum liðsins síðan Carlo Ancelotti tók við af Marco Silva sem knattspyrnustjóri.
Calvert-Lewin er annar ungi leikmaður félagsins sem framlengir samning sinn um fimm ár í vikunni en Mason Holgate gerði slíkt hið sama á þriðjudag.