Ensku knattspyrnufélögin Liverpool og Arsenal hafa áhuga á Evan Ndicka, tvítugum Frakka sem leikur með Eintracht Frankfurt í Þýskalandi. Þá hafa Valencia, Sevilla og AC Milan og Inter í Mílanó einnig fylgst með leikmanninum unga.
Ndicka hefur verið einn besti ungi miðvörðurinn í Þýskalandi á tímabilinu og hefur frammistaða hans vakið mikla athygli. Ndicka kom til Frankfurt frá Auxerre í heimalandinu fyrir tveimur árum og hefur hann leikið með öllum yngri landsliðum Frakklands.
Leikmaðurinn hefur verið í byrjunarliðinu í 14 leikjum með Frankfurt á leiktíðinni og þá hefur hann leikið vel með þýska liðinu í Evrópudeildinni.