United semur við 16 ára markvörð

Enska knattspyrnufélagið Manchester United hefur gengið frá kaupum á hinum 16 ára gamla Radek Vitek. Vitek er tékkneskur markvörður sem kemur frá Sigma Olomuc í heimalandinu. 

Njósnarar United fylgdust vel með Vitek á síðasta ári og ákváðu að lokum að bjóða honum samning. Vitek, sem er 196 sentímetrar, lýsti yfir ánægju sinni með tíðindin á heimasíðu Sigma Olomuc. 

„Það er ótrúleg tilfinning að semja við Manchester United og algjör draumur. Ég hlakka mikið til og ég viðurkenni að ég trúði þessu ekki fyrst,“ sagði Vitek. 

• Blogga um frétt