Jóhann Berg Guðmundsson lagði upp fyrsta mark Burnley í mikilvægum 2:0-sigri á Norwich á Carrow Road í Norwich í ensku úrvalsdeildinni í knattspyrnu í dag. Með sigrinum er Burnley enn í baráttunni um Evrópusæti. Mörkin tvö má sjá í spilaranum hér að ofan.
Jóhann Berg var í byrjunarliði Burnley og tekinn af velli á 60. mínútu en hann lagði upp glæsilegt mark Chris Wood í uppbótartíma fyrri hálfleiks. Jóhann setti þá boltann fyrir markið og Wood skoraði af stuttu færi úr hjólhestaspyrnu. Gestirnir voru hins vegar orðnir níu á þessum tímapunkti en Emiliano Buendía og Josip Drmic fengu báðir beint rautt spjald hjá gestunum í fyrri hálfleik.
Ben Godfrey skoraði svo sjálfsmark til að innsigla 2:0-sigur Burnley sem nú er með 54 stig í 9. sætinu, tveimur stigum frá Wolves í 6. sæti sem gefur þátttökurétti í Evrópudeildinni á næstu leiktíð. Norwich er á botninum og nú þegar fallið úr deildinni en tvær umferðir eru eftir.