Englandsmeistarar Manchester City eiga sex fulltrúa í liði ársins í ensku úrvalsdeildinni í knattspyrnu en liðið var opinberað í dag.
Ederson, markvörður City, er í markinu, og þá eru þeir Joao Cancelo, John Stones og Rúben Dias allir í vörninni ásamt Luke Shaw, bakverði Manchester United.
Kevin De Bruyne og Ilkay Gündogan, miðjumenn City, eru á miðjunni ásamt Bruno Fernandes.
Þá skipa þeir Mohamed Salah, sóknarmaður Liverpool, og Harry Kane og Son Heung Min, sóknarmenn Tottenham, framlínu liðsins.
Rúben Dias var útnefndur besti leikmaður ársins í ensku úrvalsdeildinni í morgun og Pep Guardiola útnefndur stjóri ársins.
Six Manchester City players have been included in the Professional Footballers' Association Premier League Team of the Year 🏆
— Sky Sports Premier League (@SkySportsPL) June 4, 2021