„Mér er sönn ánægja að bjóða Jürgen Klopp í þúsund leikja klúbbinn,“ sagði goðsögnin Sir Alex Ferguson, fyrrverandi knattspyrnustjóri Manchester United, við það tilefni að Jürgen Klopp, knattspyrnustjóri Liverpool, stýrði liði í þúsundasta sinn í gær.
„Jürgen er án vafa einn hæfileikaríkasti knattspyrnustjórinn í fótboltaheiminum og sú ástríða og staðfesta sem hann leggur í hlutverk sitt sem stjóri er innblástur fyrir hvern sem ætlar sér feril í knattspyrnustjórnun.
Þeir fjölmörgu titlar sem hann hefur unnið á ferlinum, þeirra á meðal í Meistaradeildinni og ensku úrvalsdeildinni með Liverpool, staðfesta stöðu hans á meðal hinna fremstu í sportinu.“