Greinir á um hver sé fljótastur

Sebastian Vettel hjá Ferrari og Lewis Hamilton hjá Mercedes greinir á um hvor þeirra sé í raun fljótari í upphafi nýrrar keppnistíðar í formúlu-1.

Þótt hann hafi unnið fyrsta mót ársins, í Melbourne, segist Vettel engar hyllingar sjá og er gallharður á því að Mercedesbíllinn sé sá fljótasti. „Þeir eru hraðskreiðasta liðið og eru með 0,3 eða 0,4 sekúndna forskot á hring á Ferrari. Í okkar röðum eru nógu margt af kláru fólki til að sjá að við erum ekki nógu fljótir ennþá,“ segir Vettel.

Hann bætir við að aftur á móti séu næstu lið á eftir Mercedes mjög jöfn og segir að hann þurfi að ná meiri hraða úr bíl sínum til að vinna mót. Tvímálalaust búi sá möguleiki í Ferrarifáknum.  

Þessu andmælir Lewis Hamilton og kveðst telja muninn á bílum Mercedes og Ferrari miklu minni en Vettel vill vera láta. „Hvað aflið varðar í tímatökunni þá held ég um jafntefli sé að ræða. Þeim hefur farið mikið fram. Í kappakstrinum kunnum við að hafa ögn forskot á þá þó erfitt sé um það að segja. Þeir brúkuðu annars konar vélarham og herfræði þeirra var önnur. Það er erfitt að ráða í þetta eftir fyrsta mót. Staðan mun koma miklu betur í ljós í allra næstu mótum,“ segir Hamilton.

• Blogga um frétt