Vettel og Leclerc fremstir
Setja bókamerki
Sebastian Vettel á Ferrari ók hraðast á fyrstu æfingu keppnishelgarinnar í Spa Francorchamps en þar fer belgíski formúlu-1 kappaksturinn fram um helgina.
Vettel var 0,2 sekúndum fljótari með hringinn en liðsfélagi hans Charles Leclerc sem ók næsthraðast.
Ferrari bindur vonir við að geta farið með sigur af hólmi í Spa á sunnudag en ár er liðið frá síðasta mótssigri liðsins.
Lewis Hamilton átti í erfiðleikum með bensínfetil Mercedesbílsins og dvaldi langdvölum inni í bílskúr. Komst hann aftur út í brautina undir lok æfingarinnar og endaði með sjötta besta tímann, en 1,3 sekúndur á eftir Vettel. Liðsfélagi hans Valtteri Bottas var einu sæti framar.
Bílar Red Bull urðu í þriðja og fjórða sæti á lista yfir hröðustu hringi. Max Verstappen varð aðeins 0,1 sekúndu fljótari með hringinn en nýr liðsfélagi hans, Alexander Albon.
Í sætum sjö til tíu - í þessari röð - urðu Lance Stroll á Racing Point, Daniel Ricciardo á Renault, Sergio Peres á Racing Point og Carlos Sainz á McLaren.
Enn langt í að rannsókn málsins ljúki
Erlendir fangar sendir til útlanda?
„Verða bara eins og „zombíar““
Ekki hópuppsögn að segja upp fastri yfirvinnu
Mikilvægt að úrræði séu endurskoðuð
97 aðgerðir hafa neikvæð áhrif
Quang Le: „Ég gerði ekkert rangt“
„Hví erum við dýrasta land í heimi?“