Landsliðsskór Silva komn­ir á hill­una

Spænski knattspyrnumaðurinn David Silva hefur lagt landsliðsskóna á hilluna eftir 125 landsleiki, einn heimsmeistaratitil og tvo Evrópumeistaratitla.

Silva er 32 ára sóknarmaður og hefur verið á mála hjá Manchester City á Englandi síðan 2010 en hann lék sinn fyrsta landsleik árið 2006.

Í yfirlýsingu frá Silva segist hann vera stoltur af afrekum sínum með Spáni og að ákvörðunin um að hætta hafi verið ein sú erfiðasta á ferlinum. „Ég lifði og dreymdi með liði sem verður aldrei gleymt,“ bætti hann við.

Silva skoraði 35 mörk fyrir Spán, varð heimsmeistari árið 2010 og Evrópumeistari árin 2008 og 2012.

• Blogga um frétt