Katar gerði sér lítið fyrir og vann óvæntan 1:0-sigur á Sviss í vináttuleik karla í fótbolta á Cornaredo-vellinum í Lugano í Sviss í dag. Akram Afif skoraði sigurmarkið á 86. mínútu.
Sviss er með Íslandi í riðli í Þjóðadeildinni og leikmenn á borð við Xherdan Shaqiri og Granit Xhaka gátu ekki komið í veg fyrir óvænt tap gegn verðandi gestgjöfum HM 2022.
Ísland mætir Katar í vináttuleik í Belgíu á mánudaginn kemur, eftir leikinn við Belga í Þjóðadeildinni annað kvöld.