Hinn 19 ára gamli George Lewis hefur gert samning við enska úrvalsdeildarfélagið Arsenal en hann var á reynslu hjá félaginu í mars. Lewis lék síðast með Larvik í norsku C-deldinni.
Lewis er upprunalega frá Rúanda en hann flutti ungur til Noregs og er með norskt ríkisfang. Hefur hann aldrei leikið með yngri landsliðum Rúanda né Noregs.
Jostein Jensen, íþróttastjóri hjá Larvik, staðfesti tíðindin við Verdens Gang í Noregi. „Ég fékk þau skilaboð að hann hafi skrifað undir hjá Arsenal og við óskum honum góðs gengis,“ sagði Jensen.
Lewis mun fara í varalið Arsenal fyrst um sinn, en hann gæti einnig æft með aðalliði félagsins.