Leipzig frá Þýskalandi er komið í undanúrslit Meistaradeildar Evrópu í fótbolta eftir 2:1-sigur á spænska liðinu Atlético Madrid í átta liða úrslitum í kvöld.
Eftir markalausan og fremur rólegan fyrri hálfleik kom Spánverjinn Dani Olmo Leipzig yfir á 50. mínútu með skalla eftir sendingu frá Marcel Sabitzer. Var staðan 1:0 fram að 71. mínútu er Joao Félix náði í vítaspyrnu sem hann skoraði úr sjálfur og staðan 1:1.
Leipzig átti hins vegar lokaorðið því bandaríski varamaðurinn Tyler Adams skoraði sigurmarkið á 88. mínútu er h ann skaut í Stefan Savic og í netið eftir sendingu frá Angelino. Atlético tókst ekki að skapa sér gott færi í blálokin og Leipzig fangaði.
Þýska liðið mætir Frakklandsmeisturum PSG í undanúrslitum 18. ágúst næstkomandi.