Belgíski knattspyrnumaðurinn Jan Vertonghen hefur skrifað undir þriggja ára samning við Benfica í Portúgal. Hann kemur til félagsins á frjálsri sölu frá Tottenham.
Vertonghen er 33 ára og var hann í átta ár hjá Tottenham. Belginn er ekki sá eini sem semur við Benfica í dag því Everton og Luca Walschmidt eru einnig komnir til portúgalska félagsins.
Vertonghen lék 232 deildarleiki með Tottenham og skoraði í þeim sex mörk. Þá á hann 118 landsleiki að baki þar sem hann hefur gert níu mörk.
Benfica var í öðru sæti portúgölsku deildarinnar á síðasta keppnistímabili og tekur þátt í undankeppni Meistaradeildar Evrópu.